Home | Festival 2009 | About the artists | Sponsors | About us | Contact | Membership | Where to stay
Festival 2005 | Festival 2006 | Festival 2007 | Festival 2008

BONAIRE HEINEKEN JAZZ FESTIVAL 2009 TA PRIMINTI DI BIRA UN EKSITOSO FESTIVAL.
June 4, 5, 6, 7, 2009

 

PROGRAM 2009

Meskos ku e añanan anterior atrobe pa di 5 aña konsekutivo Boneiru ta bai selebrá su festival di djes i lo tin un tremendo programa hopi varia pa tur amante di músika. E festival aki ta plania pa tuma lugá dia 4-5-6 i 7 di Yüni 2009 ku apoyo di algun artistanan mundialmente konosí ku lo pone Boneiru riba mapa internashonal komo un isla chikitu pero ku potensha grandi pa organisá un festival riba nivel mundial.

Riba djaweps 4 di yüni 2009 na Fort Oranje e festival aki ta ranka Sali ku e nochi di poesia i músika di djes ku nos orguyonan ku ta Gabriël (Gebby) Saleh i su kuarteto sigui pa Cabaco Trio ku lo habri kaminda pa e famoso kantante, poeta Denise Jannah fo'i Sürnam/Hulanda ku respaldo di músikonan fo'i nos hermana isla Kòrsou.

Riba djabièrnè i djasabra 5 i 6 di yüni 2009 nos ta sigui ku e konsiertonan ku lo tuma lugá na Plaza Resort. Riba e dianan aki lo aktua e pianista di fama mundial Monty Alexander ku su kuarteto fo'i Jamaica ku lo presentá un parti di su homenage na Bob Marley.
Tambe lo aktua un di e gigantenan di salsa venezolano ku ta Alfredo Naranjo y El Guajeo ku lo duna un tremendo presentashon di músika di salsa ku bo no por pèrdè. Fo'i Hulanda lo tin tambe e famoso saksofonista Hans Dulfer i su kuarteto. I meskos ku 4 aña pasa e tabata e promé artista prinsipal na e promé djes festival di Boneiru, Denise Jannah fo'i Sürnam/Hulanda lo aktua ku respaldo di músikonan di nos hermana isla Kòrsou. Tambe lo aktua nos orguyonan ku ta Silver Bullets steelband i e grupo di Djes krioyo DIKAZZ.

E selebrashon di nos di 5 aña di eksistensha lo no tabata kompleto sin e jamsession nan ku ta sigui despues di e festival kuminsando fo'i 12'or di anochi te den oranan di mardugá na e sitio nobo ku ta SENSE nèt dilanti di Plaza Resort. Aki tantu artistanan nashonal i internashonal lo topa otro pa interkambiá músika ku otro. I pa klousura nos selebrashon riba Djadumingu 7 di Yüni 2009 lo tuma lugá na DIVI FLAMINGO BEACH RESORT & CASINO e Jazzbrunch kaminda e artistanan ku ta na Boneiru ainda lo deleitá tur komedó ku bon músika i lo kompartí nan talento ku tantu lokal komo internashonal. Spònser mayó di e festival aki ta e serbes Heineken i pa mas informashon check nos website ku ta www.bonairejazz.com

Bonaire Jazz Foundation

Home | Festival 2009 | About the artists | Sponsors | About us | Contact | Membership | Where to stay
Festival 2005 | Festival 2006 | Festival 2007 | Festival 2008

Powered by BonaireNet n.v